食完飯行完街，突然心痕想嚟啲視覺上嘅衝擊...就算食小食定甜品都好，最好要有PND鐘意嘅朱古力啦！呢個「火山爆發」就啱哂我喇！
呢個熱爆噴煙嘅《分子火山蛋糕》($88) 成座啡色睡火山係chocolate mousse，用杏仁膏整嘅火山頂口就放咗爆炸糖同乾冰，要食喇！要爆發喇！呢個時候潮友可以將另上嘅熱辣辣嘅番紅花蜜糖漿倒入火山口，火山幾時爆，由你自己操控！然後乾冰嘅白煙就會冒出，由沈睡中嘅火山變成活火山！🎉🎉雖然寫明二人份量，但3-4個潮友share會滋味啲！
不過，記得要等乾冰嘅煙霧散哂先好食，免得中乾冰毒呀😳🙏，好似PND咁同杏仁水火不容嘅潮友可以好似PND咁一定一定要切咗果層出嚟，確保唔受污染！
成座火山，除咗杏仁膏（僅限火山口部分），都幾得PND歡心～火山斷層切開係濃厚醇香嘅朱古力mousse，味道調得唔係太甜，凍身滑溜嘅質感，算係幾有質素！底部如果齋食會乾乾地！原來啲熔岩微甜嘅蜂蜜汁係用嚟令火山底濕潤易食啲，而且同mousse都幾夾！所以，一定要撈埋食！
順帶一提潮友先，火山蛋糕每日供應有限同埋無得預訂，如果想食嘅話就早少少去喇！☺️ #PND銅鑼灣 #PND荃灣 #PND西式 #PND甜品
@銅鑼灣登龍街1號金朝陽中心2期地下B號舖
（約3-4張4人枱）
@荃灣眾安街68號荃灣城市中心一期2樓
Mon-Sun 12:00-22:00
Search